اليوم موضوعي راااح يعجبكم متأكد انه راااح يعجبكم
رااح اوصف كل فريق سعودي حسب مااراه واشاهده ممكن اني مخطئ بس هذا اللي اشوفه انا
,,,
النصر
,,,
فريق رهيب يعجبني يخسر تزيد جماهيره ياحبي له
يوم اتفرج علي مبارياته استمتع حتي وان كانت غير مهمه الانظار كلها عليه واذا طاح ( دبوس صغير ) بالنادي تشوف المراسلين من الجزيره والرياض والاخبار العاجله في قناه ابو ظبي ( في خبر عاجل وردنا قبل قليل سقوط دبوس ياصغره علي رصيف نادي النصر فلاحول ولاقوه الا بالله اين الاداره ؟ اين المسؤولين ؟ )
,,,
الاتحاد
,,,
فريق يفوز هذا هو الاتي اتفرج مباراه له ويكون الفريق اللي ضده متقدم بهدف والدقيقه 75 اروح البقاله وارجع القي الاتحاد جاب هدفين وبعدين هالفريق لاتجيب فيه هدف الشوط الاول ياويلك ياسواد ليلك تنتهي المباراه 3 للاتحاد خاصه لو كانت بجده ( يعصب مررره ) ويفجرها بالباب
,,,
الهلال
,,,
فريق ماينهزم اذا تابعت انا مباراه له بالدوري مستحيل ينهزم اقعد اتفرج مباراه للهلال بالدوري او بالبطولات الثانيه اتمني انه يخسر لا ( ينكد ) ويفوز احب اتابع اخباره اتمني مره وحده ينظلم فيها مستحيل ماينظلم وتحس انه عنده ( واسطه قويه ) اذا تعادل الهلال في مباراه احس ان هالليله عيد واقعد اتصل علي العالم وابارك لهم ورسايل جوال نرسل نبارك لبعض
,,,
الاهلي
,,,
فريق الاهلي يوم اني اقول اليوم راح يفوز الاهلي يخسر ماعمري ضبط توقعي معه واستغرب كثير منه عنده نجوم ومايفوز علي فرق اقل منه وتحسه فريق ( ساكت ) رغم انه كبير لكن احسه بسكوت دايم يعجبني اذا لعب من قلب لأنه ( يكسر الدنيا )
,,,
الشباب
,,,
فريق ( مظلوم مررررره ) ومن الجميع تصدقون هالفريق مدري كم بطوله عنده ؟ ولااعرف لاعبي الاحتياط اللي عنده ؟
ممكن لو استقال المدرب ماادري الا في نهايه الموسم مررره حاله حال نفسه ولايحب المشاكل
مدري متي يهتم فيه من الاعلام والله شي يقهر ممتع الشباب لكن (مااحد يعطيه وجه مدري ليه )
,,,
الاتفاق
,,,
احس ان الاداره تقول للاعبين ياشباب تري احنا مركزنا وسط بالدوري اهم شي ياشباب ( لانطلع فوق ونتورط مع الكبار ولاننزل تحت ونهبط مع الصغار ) خلنا وسط اذا فزنا كثر الله خيركم واذا خسرنا عادي ماصار شي
مقدم مستوي رائع بالاسيويه ان شاء الله يواصل
